عابدہ نسرین، ہیوسٹن امریکہ
رمضان میں کافی مصروفیت رہی۔میرا معمول تھا صبح سحری میں نوافل وغیرہ ادا کرنے کے بعد آمنہ عثمان کا یو ٹیوب پہ موجود دورئے قرآن سنتی ساتھ ساتھ سحری بناتی ۔۔اگر میں غلط نہیں تو پہلے عشرے کے اختتام پر افطاری کے بعد چائے سے لطف اندوزہوتے ہوئے ٹی وی لگایا ۔مختلف چینل تبدیل کرتے ہوئے اے آر وائ کے پروگرام “شان رمضان “ پر نظر پڑی۔ پروگرام کے مختلف سیگمنٹ تھے۔افطار و سحر کے الگ الگ سیگمنٹ۔ جس میں شان ُُُِعلم کوئز ، قصص القرآن ،کوکنگ،بچوں کا سیگمنٹ جیسے اور بھی دلچسپ حصؔے تھے۔
وسیم بادامی جو پیشے کے لحاظ سے میڈیا اینکر ہیں ۔بہت ہی اچھے انداز میں ہر سیگمنٹ کو پیش کیا۔ قصص القرآن کی بات کروں تو نہایت ایمان افروز اندازُِ بیاں َ اور آواز کے اتار چڑھاؤ نے دل کی دنیا کو اُس منظر میں لے گیا۔آنکھوں سے آنسو جاری ہوگئے۔ حضرت ایوب علیہ اسلام کا بے مثال صبر ہو یا اصحابِ کہف کا معجزاتی طور پر کئ سو سال تک غار میں سونا ہوُ ہر قصصے کو تفصیل سے ازبر کیاہوا تھا ۔اور بیان کرنے کا انداز اللؔہ اکبر۔۔۔۔۔کیا کہنے۔ مختلف نعت خواہاں بھی پروگرام کی رونق بنے رہے۔۔۔۔۔بھئ کیا کہنے ۔۔۔۔۔ان سب کی نعت خوانی کے۔۔۔۔کوئ میوزک نہیں ۔۔۔۔بہترین خوش الحان آوازوں کے سٗر ۔۔۔۔دل خوش ہوگیا۔پھر ایک اہم بات جس نے مجھے بہت متاٌثر کیا وہ یہ تھی کے نعتیں تو میں بھی پڑھتی تھی لیکن زیادہ تر شعراء اور جنہوں نے پڑھیں انکا نام تک بھی معلوم نہ تھا۔اس پروگرام کی تھیم تھی کہ نئے اور پرانے نعت خواہوں کو عوام کو دیکھایا جائے گا۔ کوئز پروگرام قصص القرآن کے بعد میرا دوسرا پسندیدہ سیگمنٹ تھا۔بہت سی معلومات ملیں۔۔۔ساتھ ساتھ میں بھی جواب دیتی تاکہ پتہ چلتا رہے کتنے پانی میں ہوں۔ویسم بادامی کی سیٹ پر موجود ہر فرد کے ساتھ خواہ وہ نعت خواہ ہوں، خواہ کنٹرول روم والے افراد یا پھر ننھے منھے بچے سب کے ساتھ ہلکی پھلکی طنزو مزاح سے بھر پور گفتگو دل کو شاد کردیتی ۔ جب مجھے یہ پتا چلا کے سب سے زیادہ اس پروگرام کو سراہا گیا تو یقین جانئیے کہ دل شاد ہوگیا کہ ابھی بھی اس قوم میں تھوڑی دینی سمجھ باقی ہے۔اس سے پہلے کئ دوسرے چینلز پر رمضان ٹرانسمیشن دیکھنے کا بلکل بھی مزا نہیں آیا۔رمضان کے بابرکت ، رحمت اور مغفرت والے مہینے میں اسے تمام پروگرامز جو کھیل وتفریح کے ذریعے روزے کی روح کو اور ہمارے ایمان کو مردہ کرنے کی کوشش کریں ہمیشہ کے لیے بین کردیا جانا چاہئےُ۔ ۔جیتو پاکستان جیسے پروگراموں کو تو خاص طور پر بین کرنا چاہیے۔
