یہ کیسی سوچ ہے  یہی نا کہ ایک ایسا دیس ہو جہاں زندگی ہنستی  اور مسکراتے ہوئے نظر آجائے۔جہاں چاہت اور الفت کے گیت گائے جاتے ہوں۔جہاں رشتوں میں کوئی دراڑ نہ ہو،جہاں نفرتوں کا کاروبار نہ ہو۔کیسی سوچ ہے ۔ایسی سوچ رکھتے ہوئے آپ کو شرم نہیں آئی۔۔کیا آپ کو یہ خیال نہیں آیا کہ  تمھاری اس سوچ پہ  دنیا تمھیں کیا کیا القابات دے سکتی ہے؟۔کیسی پاگل پن سوچ ہے   مجھے تو اس سوچ پہ ہنسی آتی ہے  ہنسی کیوں نہ آئے ایک اسلامی ملک میں رہتے ہوئے  ایسی سوچ رکھنا کتنے شرم  کی بات ہے کچھ تو شرم کرو ، کیا  کچھ نہیں ہے   اس دیس میں؟ کبھی آپ نے  جائزہ لیا ہے ؟۔نہیں نا تو ذرا نظریں اٹھا کے تو دیکھو سب کچھ تو ٹھیک ہی  چل رہا ہے۔ملازمتیں سفارشوں  کے تحت سب کو میئسر ہیں ، انصاف کی دھجیاں اڑائی جارہی ہیں،رشوت کا دور دورہ ہے،چاروں اورکرپشن کا بازار گرم ہے ۔پڑھے لکھے لوگ بے روزگار   ،    ان پڑھ نمائندےاسمبلیوں  میں۔ کرپٹ، رشوت خور، ٹیکس چو روں کی موجودگی بھی آپ کو نظر نہیں آرہی ہے۔بڑے ہی افسوس کی بات ہے اتنا سب کچھ ہونے کے باوجود بھی ایسی سوچ۔کیا کسی نے  یہ نہیں سمجھایا ہے کہ ایسی  سوچ  اس ملک میں رکھنا حرام ہے اور ایسی سوچ رکھنے والا   دشتگردی ایکٹ کے تحت  سزا کا مستحق  ٹھیر سکتا ہے۔سب کچھ تو ٹھیک ہی چل رہا ہے اور یہ سب کچھ ہونے کے باوجود بھی  ایسی سوچ  ۔ چھی چھی کیسی سوچ  کچھ تو شرم کرو۔کیوں  ؟ایسی  سوچ  رکھنے والوں کو آپ بھی پاگل اور نادان سمجھتے ہیں نا۔ایسی  الگ سوچ؟  لگتا  ایسا ہے کہ  ایسی سوچ رکھنے والے  بہک گئے ہیں اور بہکی بہکی باتیں کرنے لگے ہیں ۔  ان کے لئے یہی مشورہ ہے کہ جو اس ملک میں ہو رہا ہے اسے دیکھتے اور جو کچھ ہو رہا ہے اس پہ صبر کئے جائو۔ بس  یہ سمجھو کہ ہم ایک عظیم قوم ہیں  ہمارا ملک اسلام کے نام پہ بنا ہے اور اس کا نام اسلامی جمہوریہ  ہے  ،اور اس اسلامی جمہوریہ میں  جو بھی ہو رہا ہے اسے مقدم  جانتے ہوئے اسے اللہ کی مرضی سمجھو ان سب باتوں پر تبصرہ یا  شور یا کڑھنے کی کوئی ضرورت نہیں خبردارکسی کے بہکاوے میں نہیں آنا ہے ۔لمبی تان کر سوتے ہی رہنا ہے

QR Code: