ایک آدمی جنگل سے گزر رہا تھا اور جنگل میں آگ لگی ہوئی تھی جھاڑیوں میں سانپ آگ میں پڑا ہوا تھا آدمی نے فوراً ہاتھ بڑھا کر سانپ کو نکال لیا اور بچالیا ۔سانپ بولا میں اب تجھے ڈسوں گا۔تو آدمی بولا میں نے تو تمہارے ساتھ نیکی کی ہے تمہیں بچا کے ۔سانپ بولا میرے پاس تو یہی صلہ ہے آدمی بولا تم کہتے ہو تو چلو کسی سے پوچھ لیتے ہیں جب وہ آگے بڑھے تو بھینس جنگل میں چر رہی تھی آدمی بھینس سے بولا کہ میں نے سانپ کو آگ سے بچایا ۔اور یہ میری جان کا دشمن بن بیٹھا ہے اب تم بتاؤ نیکی کا بدلہ نیکی ہے یا بدی بھینس بولی :بدی آدمی بولا وہ کیسے بھینس بولی جب میں تندرست تھی تو دودھ دیتی تھی تو میرا مالک کھانے کو اچھا دیتا تھا اور میرا خوب خیال رکھتا تھا اب میں بوڑھی ہو گئی ہوں تو مجھے انہوں نے ہنٹر مار کر گھر سے نکال دیا ہے لہذا نیکی کا بدلہ بدی۔سانپ بولا اب بتاؤ آدمی کہنے لگا کسی اور سے پوچھ لیتے ہیں سانپ کہنے لگا ٹھیک ہے پھر چلتے ہوئے انہیں راستے میں ایک گدھا مل جاتا ہے تو آدمی کہتا ہے نیکی کا بدلہ نیکی ہے یا بدی گدھا بولا بدی آدمی کہنے لگا وہ کیسے گدھا بولا جب میں طاقت ور تھا تو میرے اوپر زیادہ بوجھ لادتے تھے مجھ سے بہت کام لیتے تھے اب میں کمزور لاغر ہو گیا ہوں انہوں نے مجھے گھر سے نکال دیا ہے اس لئے نیکی کا بدلہ بدی آدمی کہنے لگا کسی اور سے پوچھ لیتے ہیں سانپ کہتا ہے چلو ٹھیک ہے سانپ مطمئن تھا کہ پہلے ہی دو فیصلے میرے حق میں ہیں تو تیسرا بھی میرے حق میں ہو گا آ گے انہیں بندر مل جاتا ہے تو وہ بندر کو بات تفصیل سے بتاتے ہیں بندر بولا نہیں مجھے اس جگہ لے کے جاؤ جس جگہ جھاڑیوں میں سانپ پڑا تھا اسے دوبارہ میرے سامنے رکھ کے پھر اس جگہ سے اٹھاؤ آدمی سانپ کو پکڑ کر اس جگہ پر رکھ کر اٹھانے لگا توبندرنے فوراً آدمی کا ہاتھ پیچھے کھینچ لیا اور آدمی سے بولا یہ نیکی کے لائق ہی نہیں ہے اسے اسی جگہ سڑتا رہنے دو۔
