بڑی بڑی جغادری سیاسی پارٹیاں بلدیاتی انتخابات میں اپنے نشان سے امیدوار کھڑے نہیں کرسکیں: ڈاکٹر احسان باری

Print Friendly, PDF & Email

بہاولنگر(ایف یو نیوز) قائد اللہ اکبر تحریک ڈاکڑ میاں احسان باری نے کہا ہے کہ بڑی بڑی جغادری سیاسی پارٹیاں بلدیاتی انتخابات میں اپنے نشان سے امیدوار کھڑے نہیں کرسکیں زیادہ امیدوار آزاد حیثیت سے حصہ لے رہے ہیں امیدوار سمجھتے ہیں کہ سیاسی پارٹیاں اپنے راہنماؤں کی گرینڈ کرپشنوں کی وجہ سے بدنام ہو کرعوامی مقبولیت کھو چکی ہیں اسلئے امیدوار ان انکے مخصوص انتخابی نشان پر حصہ لے کر ہرصورت شکست سے دو چار ہوں گے بڑی سیاسی جماعتوں کا حشر وہ اوکاڑہ کے ضمنی انتخاب میں دیکھ ہی چکے ہیں میاں باری نے مزید کہا کہ مفاد پرستی کے سیاسی حمام میں لنڈورے سیاسی راہنما سبھی اکٹھے ننگے نہا رہے ہیں حکمران و دیگرسیاسی جماعتوں کے کارکن ان کی ہیرا پھیریوں اور مفاد پرستانہ سوچ سے تنگ آچکے ہیں اسلیے جن لیڈروں کا طوطی بولتاتھاکارکنوں کے نزدیک ان کا نام گالی بن چکا ہے مخلص کارکنوں نے دریاں بچھائیں جھنڈے اٹھائے دھرنے دیے سر پھٹول کروائے حتیٰ کہ شہادتیں پائیں مگر انکے لیڈر اوپر ہی اوپرآپس میں پیار کی پینگیں بڑھا کریکجان دو قالب ہو چکے ہیں جنوبی پنجاب و سندھ کے کئی اضلاع بہاولنگر وغیرہ میں تو ن والوں نے ٹکٹیں جاری نہیں کیں کہ ان کا کسی دوسری زیڈ لیگ سے کمپرومائز ہو گیا ہے یہاں تک کہ بلا ،شیر ،تیر،کتاب،ترازو بھی ایک دوسرے کے حمایتی ہیں خدا تعالیٰ نے من وسلویٰ جیسا اعلیٰ کھانا آسمان سے برسایاتھا مگرایک ہی قسم کا کھانا کھاتے ہوئے لوگ اس کے بھی انکاری ہو گئے اسی طرح وہی سیاسی چہرے بار بار دیکھ کر عوام اور کارکن سخت تنگ آگئے ہیں اور وہ اللہ اکبر کے نعرے لگاتے ہوئے کسی نئی سیاسی جماعت و قیادت کے لیے طالب اور دعاگو ہیں تاکہ68 سال سے جاری جاگیرداروں ،صنعتکاروں و سود خور سرمایہ داروں کی سیاست کو دفنا کر وہ متوسط طبقہ کو اقتدار میں لاسکیں “نہ نو من تیل ہو گا نہ رادھا ناچے گی” کی طرح سیاست سرمایہ داروں کی گھر کی لونڈی بن چکی ہے غریب کیسے حصہ لے اسلیے توانتخابات میں لوگ دلچسپی نہیں لیتے اور ہمیشہ ٹرن آؤٹ کم رہتا ہے کرپٹ افراد کے سیاسی گروہ اس طرح باہمی شیرو شکر ہو گئے ہیں جیسے ایک ہی ماں کے بطن سے جنم لیا ہو پانچ ایکڑ سے زائد زمین یا بنک میں 10لاکھ سے زائدسرمایہ رکھنے والوں پر انتخابات میں حصہ لینے پر پابندی عائد کردی جائے اور متناسب نمائندگی نافز ہوجائے توملکی سیاست پاک و صاف ہو جائیگی۔

Short URL: http://tinyurl.com/h7ayxnr
QR Code:


Leave a Reply

Your email address will not be published. Required fields are marked *