شرم سے چور ہوگیا شیطاں

Print Friendly, PDF & Email

شاعر: احمد نثارؔ، مہاراشٹر، انڈیا


کارِ انساں پہ رو گیا شیطاں
کیسے الزام ڈھوگیا شیطاں

کام انساں کا نام شیطاں کا
نام بدنام ہوگیا شیطاں

آدمی آدمی کا دشمن ہے
بیج کیسے یہ بوگیا شیطاں

اپنے بھائی کے خون کا پیاسا
آج انسان ہو گیا شیطاں

آج انساں نہیں رہا جگ میں
لے کے آرام سوگیا شیطاں

وہ کرشمے دکھائے انساں نے
شرم سے چور ہوگیا شیطاں

آج ڈرنے لگا ہے انساں سے
اپنی اوقات کھو گیا شیطاں

چل سکی جب نثارؔ پر نہ کوئی
اپنے آنسو پرو گیا شیطاں

853 total views, 2 views today

Short URL: //tinyurl.com/jk3f3gn
QR Code:
انٹرنیٹ پہ سب سے زیادہ پڑھے جانے والے مضامین
loading...

Leave a Reply

Your email address will not be published. Required fields are marked *