والدین شجر عظیم ہیں ان کی خدمت کرکے ہم اللہ رب العزت کے حضور سرخرو ہوسکتے ہیں: سیٹھ محمد افتخار
ماں فاؤنڈیشن کے مرکزی وائس چیئرمین سیٹھ افتخار احمد نے کہا ہے کہ والدین شجر عظیم ہیں ان کی خدمت کرکے ہم اللہ رب العزت کے حضور سرخرو ہوسکتے ہیں والدین کی عزت وتکریم کسی عبادت سے کم نہیں ماں کے پاؤں تلے اللہ تعالیٰ جنت رکھی ہے بڑھاپے میں ان کو سب سے زیادہ ضرورت اپنی اولاد کی ہوتی ہے کیونکہ ساری زندگی والدین اولاد کیلئے سب کچھ کرتے ہیں اور آخری لمحات میں اولاد کوبھی اپنے فرائض سے غافل نہیں ہونا چاہیے ان خیالات کااظہارانہوں نے فاروق آباد کے مقامی شادی ہال میں منعقدہ افطار ڈنر سے خطاب کرتے ہوئے کیا اس موقع پرکاروان ملت پاکستان کے مرکزی چیف آرگنائزر محمد امجد رانا صراف، صدر پریس کلب شیخوپورہ شہباز احمد خاں ، جنرل سیکرٹری سلطان حمید راہی ،صدر نیشنل پریس کلب عمران ہاشمی ، بانی ماں فاؤنڈیشن ملک عبدالجبار ، نذر عباس بھنڈر، جنرل سیکرٹری سید تقی رضا بخاری، عظیم احمد یزدانی، رانا محمد عثمان ، صفدر شاہین،سیف الرحمن سیفی ، محمد عظیم نوشاہی ،احسان دانش ،عظیم شیخ، محمد شفیق بزمی ، ایس ایچ او انسپکٹر شیخ مظفر اکرم ،ایس ایچ او انسپکٹر قمر ساجد ،میاں جہانزیب زیبی ،میاں اظہر محمود تحصیل چیئرمین قومی امن کمیٹی ،شیخ امتیاز احمد ، سید ماجد شاہ، عبدالخالق ورک، اسلام غازی ،محمد عالم، بنیامین کمبوہ ،قاری سرور گوندل،حاجی شہبا زگھمن ودیگر بھی موجودتھے ۔انہوں نے کہاکہ ماں فاؤنڈیشن کا بنیادی مقصد بوڑھے والدین کی عزت وتکریم کے حوالہ سے شعور وآگاہی پیدا کرنا ہے ہمارا فیلڈ سٹاپ گاؤں گاؤں ،قریہ قریہ اور نگر نگر جاکر اپنے عزم کی تکمیل کیلئے جدوجہد کررہا ہے انہوں نے کہاکہ ہم اس عظیم مشن کی تکمیل کیلئے اپنی تمام ترصلاحیتوں کو بروئے کارلارہے ہیں۔
Leave a Reply