غزل: وہ کبھی آپ سے وفا نہ کیا
شاعر : احمد نثارؔ ، مہاراشٹر، انڈیا
وہ کبھی آپ سے وفا نہ کیا
خود سے خود کو اگر جدا نہ کیا
بھول جانا ہی ایک راہ مگر
بھول جانے کا حوصلہ نہ کیا
خود کو پاؤں یا خود کو کھو جاؤں
بس یہی میں نے فیصلہ نہ کیا
عمر بھر در بدر بھٹکنا پڑا
ہائے کیوں خود سے رابطہ نہ کیا
بے خودی میں خودی کو گُم کرکے
ہوش پانے کا مُدعا نہ کیا
مجھ کو مجھ سے تھی اِس قدر الفت
مرضِ بے جا کی بس دوا نہ کیا
کیا نثارؔ آپ جانتے ہیں اِسے
آئنہ گفتگو روا نہ کیا
Short URL: http://tinyurl.com/zlwbhtl
QR Code: 
Leave a Reply