ضلع شیخوپورہ کی پانچوں تحصیلوں میں محرم الحرام کے حوالے سے سیکیورٹی پلان تیار کر لیا گیا
ضلع شیخوپورہ کی تمام تحصیلوں میں محرم الحرام کے سلسلہ میں امن عامہ کے قیام اور عزاداروں کی سہولیات کے پیشِ نظر ایکشن پلان بنا لیا گیا ہے۔ اس ضمن میں ڈی سی او آفس کے کمیٹی روم میں ڈی سی او عبدالغفور چوہدری کی زیرِ صدارت ایک اجلاس ہوا جس میں اسسٹنٹ کمشنر سدرہ سلیم، ڈی او ورکس رانا غلام دستگیرخان، ڈسٹرکٹ ایمرجنسی آفیسر ڈاکٹر محمد اعظم، ایم ایس ڈی ایچ کیو ڈاکٹر مبشر احمد، سیکرٹری مریم نواز، ٹی ایم او صاحبان و دیگر افسران نے شرکت کی۔ اجلاس کو بتایا گیا کہ تمام تحصیلوں کے ٹی ایم ایز جلوس روٹس میں پیچ ورک، وال چاکنگ کا خاتمہ، جنریٹرز کی فراہمی، سی سی ٹی وی کیمروں کی تنصیب کو یقینی بنائیں۔ اجلاس میں ڈسٹرکٹ ایمرجنسی آفیسر نے بتایا کہ کہیں ہنگامی صورت حال سے نپٹنے کے لیے ریسکیو1122 تمام ممکنہ وسائل بروئے کار لائے گی۔ محکمہ صحت اے کیٹیگری کے جلوسوں اور مجالس میں جدید سہولیات سے آراستہ ایمبولینس کی فراہمی کو یقینی بنائے گا۔
Leave a Reply