دنیا کا پہلا فولڈ ایبل اسمارٹ فون صارفین کے لیے متعارف

Print Friendly, PDF & Email

دنیا کا پہلا فولڈ ایبل اسمارٹ فون فروخت کے لیے پیش کردیا گیا ہے اور اس طرح سام سنگ، ہیواوے اور دیگر کمپنیاں اس دوڑ میں پیچھے رہ گئی ہیں۔

امریکا سے تعلق رکھنے والی ایک چھوٹی کمپنی ‘رائل’ نے ‘فلیکس پائی’ نامی فون چینی دارالحکومت بیجنگ میں ایک ایونٹ کے دوران متعارف کراتے ہوئے کہا کہ یہ صارفین کے لیے دسمبر میں دستیاب ہوگا۔

یہ فون اسمارٹ فون اور ٹیبلیٹ کا امتزاج ہے۔

یعنی اس فون کا ڈسپلے اتنا بڑا ہے کہ ٹیبلیٹ جیسا لگتا ہے مگر اسے فولڈ کرنے کے بعد اسمارٹ فون کی شکل دے کر جیب میں رکھا جاسکتا ہے۔

اس فون میں 7.8 انچ کا ڈسپلے اوپن حالت میں ہوتا ہے جو کہ سام سنگ گلیکسی نوٹ 9 اور ایپل کے آئی فون ایکس ایس میکس سے بڑا ہے، جبکہ درمیان سے اسے فولڈ کرکے اس ڈیوائس میں 3 چھوٹی اسکرینیں سامنے آجاتی ہیں۔

کمپنی کا دعویٰ ہے کہ فلیکس پائی کی اسکرین ٹوٹ نہیں سکتی اور جانچ میں انتہائی پائیدار پائی گئی، اس کی اسکرین پر رنگوں کی مقدار بہت زیادہ دی گئی ہے جبکہ کنٹراسٹ، وائیڈ اینگل اور ہائی ریزولوشن پکچر کوالٹی اس کا حصہ ہے۔

اس اسمارٹ فون میں کوالکوم اسنیپ ڈراگون 8 سیریز ایس او سی پراسیسر، 8 جی بی ریم اور 256 جی بی اسٹوریج دی گئی ہے جس میں مائیکرو ایس ڈی کارڈ کی مدد سے 256 جی بی کا اضافہ کیا جاسکتا ہے۔

اس فون میں 16 اور 20 میگاپکسل کے 2 کیمرے آپٹیکل اسٹیبلائزیشن اور فلیش کے ساتھ دیئے گئے ہیں۔

فون مین فاسٹ چارجنگ کے لیے یو ایس بی ٹائپ سی پورٹ دی گئی ہے، 3800 ایم اے ایچ بیٹری، اینڈرائیڈ پائی آپریٹنگ سسٹم کا امتزاج کمپنی نے اپنے واٹر 1.0 سے کیا ہے۔

پہلے سوچا جارہا تھا کہ سام سنگ دنیا کا پہلا فولڈ ایبل فون متعارف کرائے گی اور اگلے ہفتے وہ اس کی پہلی جھلک بھی پیش کرنے والی ہے جبکہ آئندہ سال کے آغاز میں وہ باضابطہ طور پر متعارف کرایا جاسکتا ہے۔

فلیکس پائی فون کی قیمت چین میں 8 ہزار 999 یوآن اور 12 ہزار 999 یوآن رکھی گئی ہے۔

27 total views, 6 views today

Short URL: http://tinyurl.com/ybpspqdr
QR Code:
انٹرنیٹ پہ سب سے زیادہ پڑھے جانے والے مضامین
loading...

Leave a Reply

Your email address will not be published. Required fields are marked *